“Ўзбеккўмир” компанияси 2018 йилга келиб кўмир қазиб олишни 11 млн тоннага етказмоқчи, деб хабар бермоқда "Газета.уз". 2014 йил якунларига кўра бу кўрсаткич 4.3 млн тоннага тенг бўлган эди. 
Бу ҳақда компания вакиллари Тошкентда бўлиб ўтган халқаро кооперацион биржада маълум қилди.
Кўрсатилган миқдордаги кўмирнинг ишлаб чиқарилиши ёқилғи-энергетика балансида кўмир улушининг 5 фоиздан 20 фоизга қадар кўтарилишига олиб келади. Бунинг натижасига иссиқлик электр станциялари йилига 2 млрд кубометр газни тежай бошлайди.
Қазиб олиш ва маҳсулот ишлаб чиқариш ҳажмларини ошириш учун 2015-2018 йилларда умумий қиймати 560 млн долларни ташкил қиладиган модернизация дастури амалга оширилади. Хусусан, эскирган жиҳозларни янгилашга 232.9 млн доллар, кулранг кўмир қазиб олишни кўпайтиришга 106.5 млн доллар, тошкўмир қазиб олишни кўпайтиришга 101.3 млн доллар сарфланади. Лойиҳа компаниянинг шахсий маблағлари, шунингдек, хорижий ва маҳаллий тижорат банклари кредитлари ҳисобидан молиялаштирилади.