Тошкентда 45 ёшли она бошчилигидаги оила эсдаликлар сотувчи дўконлардан бирига кириб, ярим миллион сўмдан ортиқ нархдаги буюмларни ўғирлади. Бу ҳақда шаҳар ички ишлар бош бошқармаси матбуот хизмати хабар бермоқда.

Айтилишича, аёл 25 яшар қизи ва 18 яшар жияни билан биргаликда Чилонзор туманида истиқомат қилувчи Санжар исмли йигитнинг Lacetti машинасида Мирзо Улуғбек туманидаги эсдаликлар дўконига борган. У жияни билан бирга сотувчини чалғитиб турганда, қизи савдо растасидаги 300 минг сўмлик тухумсимон буюмни ва шу нархдаги фил ҳайкалчасини ўғирлаган. Улар машинага ўтириб қочиб кетишган.
Ҳозирги кунда улар қўлга олиниб, қонун олдида жавоб бермоқда.