15 июнь куни Флорида штатининг собиқ губернатори, 62 ёшли Жеб Буш 2016 йилнинг ноябрида АҚШ президентлиги учун бўлиб ўтадиган сайловда Республикачилар номидан иштирок этишини расман эълон қилди.

У ўз баёнотини Флоридадаги Майами-Дейд коллежида амалга оширган.

Буш ўз чиқишида йиғилганларга инглиз ва испан тилларида мурожаат қилган.

"Мен ҳар қандай тилда сизларга келажакка ишонч руҳидаги қарашларимни баён этишим мумкин. Чунки, келгуси ўн йилликлар Америкада яшаш учун учун энг яхши вақт бўлади", дейди Буш.

Номзод чиқиш қилган коллежда кўплаб иштирокчилар қаторида 90 ёшли онаси Барбара Буш ҳам иштирок этган. Тадбирда унинг отаси Жорж Буш ва акаси кичик Жорж Буш қатнашмаган.