Бразилия полицияси катта миқёсда ўтказилган махсус операция давомида Рио-де-Жанейро штатидаги энг йирик жиноий гуруҳининг 26 аъзосини қўлга олди. Бу ҳақда РИА “Новости” ахборот агентлиги хабар бермоқда.

Қўлга олинган жиноятчилар қурол-аслаҳа ва гиёҳванд моддалар сотишда айбланмоқда. Полиция маълумотларига кўра, гуруҳ ўз фаолиятидан ҳар ойда 2,5 млн доллар даромад олган.

Операцияда ҳуқуқ-тартибот муассасаларининг 400га яқин ходими иштирок этди.

Жиноятчилар фаолияти охирги 8 ой давомида тергов қилиб борилган.

Аввалроқ Бразилияда 30 йилдан бери қонундан қочиб юрган Италиянинг “Янги Каморра” жиноий гуруҳининг собиқ етакчиси Паскуале Скотти қўлга олингани маълум қилинганди.