Наманганнинг Норин тумани маркази Ҳаққулобод шаҳрида фаолият юритадиган Norin mechanical plant корхонаси ўтган йилдан бошлаб ихчам электр велосипедлар ишлаб чиқара бошлагани маълум бўлди. Бу ҳақда Туркистон-пресс ахборот агентлиги хабар бермоқда.

Транспорт воситаси кичик аккумулятор воситасида ҳаракатга келтирилади. Унинг бир марта тўла қувватлантирилиши 30-40 км/соат тезликда 50 км босиб ўтишга етади.

Бугунги кунда корхона “Норин” белгиси остида 6 турдаги болалар ва катталар учун велосипедлар ишлаб чиқармоқда. Охирги ойда 4 166 дона маҳсулот ишлаб чиқарилган. Технологик йўналиш очилганидан бери бозорга 10 500 дона шу турдаги маҳсулот чиқарилган.