17 июндан бошлаб Тошкент метросининг "Чилонзор" йўналишида янгиланган вагонлар ҳаракатлана бошлади.

Буни тасдиқловчи суратлар ижтимоий тармоқларда пайдо бўлди.

Хабар қилинишича, ушбу лойиҳа "Тошкент метрополитени" давлат унитар корхонаси буюртмасига асосан "Йўловчи вагонларни қуриш ва таъмирлаш заводи" орқали йўлга қўйилган.

Мазкур вагонларнинг эксплуатацияси 15 йилликлиги айтилган.

Вагонларнинг ташқи ва ички дизайнида тубдан ўзгаришларни кўриш мумкин.

Мутахассислар замонавий технологиялар асосида вагонларнинг ички кўринишини бутунлай янгича услубда ишлашган.