Янгиқўрғонлик 1975 йил туғилган Санжар Саматов гиёҳванд моддалар истеъмол қилиш билан бирга, истеъмолдан ортганини бошқаларга сотиш билан шуғулланиб келган. У молни қўшни Қирғизистондаги шеригидан оларди.

“Ҳуқуқ” газетасида ёзилишича, бир сафар қирғизистонлик шерик Янгиқўрғоннинг Исковот қишлоғига 1 752.62 гр гашиш моддасини ташлаб кетган. Саматов дўсти Эркиннинг машинасида қишлоққа бориб, молни олган ва тўлов сифатида 300 доллар қолдириб кетган. Фойданинг 30 фоизини Эркин олиши керак эди.
Дўстлар уйга қайтаётган чоғда ҳуқуқ-тартибот ходимлари томонидан тўхтатилиб, қўлга олинган.

Санжар Саматов суд қарори билан 14 йилга озодликдан маҳрум қилинди. Вилоят прокурори ўринбосари Учқун Иноятов берган маълумотга қараганда, жазони ўташ пайтида унинг гиёҳвандлик ва алкоголизмдан даволаниши таъминланади.