Россиянинг Красноярск ўлкасида йўқолиб қолган, бортида 9 йўловчиси бор АН-2 самолёти топилди. Бу ҳақда фавқулодда вазиятлар вазирлиги сайти орқали хабар қилинди.
Самолёт қидирувга жалб қилинган Ми-8 вертолёти ёрдамида Кежемск тумани ҳудудида топилган. Аниқланишича, у мажбурий қўнишни амалга оширган, бортдагилардан ҳеч ким зарар кўрмаган.
Вертолёт йўловчилардан 4 нафарини Кодинск шаҳрига эвакуация қилди.
Эслатиб ўтамиз, Краснояр ўлкасида бортида 9 йўловчиси бўлган Ан-2 самолёти йўқолиб қолган эди. Самолёт билан алоқа шанба куни маҳаллий вақт билан 16:00да узилган.
Қидирув ишларига 90 киши жалб қилинган, оператив штаб ташкил қилинган.