Таниқли хонанда Муножот Йўлчиева “Ўзбекистон” ахборот агентлигига берган интервьюсида унинг куйлаган қўшиғи англиялик кекса хастани оёққа турғазгани ҳақида айтиб берди.
Англиядаги концертлардан бирида хонанда олдинги қатордаги эркак уни диққат билан тинглаётганини кўрган. Концертдан сўнг у Йўлчиеванинг олдига бориб, ўз миннатдорчилигини билдирган.
“У узоқ мухлат тўшакка михланиб ётган экан. Бир куни дўстлари унга менинг дискимни совға қилишибди. У “Ушшоқ”қа мафтун бўлиб қолиб, қўшиқнинг таржимасини қилдирибди ва ҳар куни эшитибди. У кўзида ёш билан мумтоз мусиқаси уни оёққа турғазганини, бугун у биринчи марта мустақил равишда ўз оёқлари билан кўчага чиққанини айтди”, – ҳикоя қилиб берди хонанда.