Украина шарқидаги ихтилоф ҳудудидан оғир қуролларни олиб чиқиб кетиш ҳали якунланангани йўқ. Бу хулоса Европада хавфсизлик ва ҳамкорлик ташкилоти миссиясининг ҳисоботида акс этган.
“Оғир қуролларни олиб чиқиш ишлари якунлангани ҳақида айтилганига қарамай, матбуот вакиллари ихтилоф ҳудудида қуйидаги ҳарбий бирликларни қайд қилдилар: Шахтёрск орқали юк машиналарида иккита Т-72 танки ғарбга олиб ўтилган, Зугрэс орқали 11 дона Т-72 танки ва 4 зирҳли машина шарққа олиб ўтилган”, – дейилади ҳужжат матнида.
Шунингдек, таъкидланишича, назорат дрони Донецкдан жанубдаги Комсомольское шаҳрида 10та танк ва 27та зирҳли машинани, Васильевск шаҳрининг жануби-ғарбида эса 4 дона ўзиюрар артиллерия бирлигини қайд қилган. Широкино қишлоғида портлашлар содир этилган.
19 июнь куни пешиндан сўнг ихтилоф ҳудудида тўрт ярим соат ичида 144 портлаш кузатилган. 113 марта ўт очишни тўхтатиш тартиби бузилган.