Кеча футбол бўйича Ўзбекистон олий лигасининг 13-тури доирасида бўлиб ўтган "Пахтакор" - "Машъал" учрашувида томошабинлар сони бўйича антирекорд қайд қилинди, деб хабар бермоқда Championat.asia.
ПФЛ сайти берган маълумотга кўра, ўйинни томоша қилиш учун "Пахтакор" стадионига 786 нафар томошабин ташриф буюрган. Бу натижа 2015 йилдаги энг ёмон кўрсаткич бўлди. Бунга қадар антирекорд 12-турдан ўрин олган "Металлург" - "Қўқон-1912" учрашувида қайд этилганди – 893 томошабин.
Энг кўп томошабин эса 10-турдан ўрин олган "Нефтчи" - "Насаф" ўйинига келганди - 17143.