2015 йил 24 июнь, чоршанба куни соат 16:00дан 17:00га қадар АҚШнинг Ўзбекистондаги элчиси Памела Спратлен Facebook ижтимоий тармоғидаги онлайн чатда Америка анъаналари бўйича саволларга жавоб қайтаради. Бу ҳақда АҚШ элчихонасининг Facebookдаги саҳифасида хабар қолдирилган.

Хабарда ёзилишича, элчи битта фойдаланувчининг фақат битта саволигагина жавоб беради. Шунингдек у визани расмийлаштириш бўйича саволларга жавоб бермайди.

Элчига ҳозирнинг ўзидаёқ саволлар билан мурожаат қилиш мумкин. Бироқ элчи саволларга юқорида кўрсатилган вақтда жавоб қайтаради. Саволлар рус ва инглиз тилида қабул қилинади.

Савол-жавоб сўнгида элчи энг яхши учта саволни аниқлайди ва савол муаллифларига совғалар ва элчи хоним билан бирга суратга тушиш имконияти тақдим этилади, дейилади хабарда.