Буюк Британияда 413 кг вазнга эга энг семиз одам Карл Томпсон 33 ёшида ҳаётдан кўз юмди, деб ёзмоқда Kentonline портали.

Қайд этилишича, Томпсон уйида жонсиз ҳолда топилган.

Томпсоннинг қўшниси қутқарув хизмати унинг жасадини уйидан тез ёрдам машинасига олиб чиқиши учун бир неча соат давомида уринганини айтган.

Маълум бўлишича, Томпсон охирги 12 ойида умуман уйидан ташқарига чиқмаган.