Farg‘ona viloyatida transport-kommunikatsiya tizimini rivojlantirish, ayniqsa, qishloq joylarda ijtimoiy-iqtisodiy infratuzilmani zamon talablari asosida barpo etish borasida keng ko‘lamli chora-tadbirlar amalga oshirilmoqda.
Farg‘ona tumani yo‘l xo‘jaligi pudrat ta'mirlash-foydalanish korxonasi yo‘lsozlari 5,6 kilometr uzunlikdagi ichki yo‘lga asfalt-beton qoplama yotqizish ishlarini sifatli bajarmoqda. Shuningdek, hududni viloyat markazi bilan bog‘laydigan avtomobil yo‘lining 3,6 kilometr qismi sifatli rekonstruksiyadan chiqarilmoqda.
