2015 йилнинг 23 июнь куни Ахборот технологиялари ва коммуникацияларини ривожлантириш вазирлигида «Huawei Technologies Co., Ltd.» (ХХР) компаниясининг Бизнес ва тармоқларни ривожлантириш бўйича консалтинг президенти Пол Майкл Сканлан билан учрашув бўлиб ўтди

Пол Майкл Сканлан 24 июнь куни Тошкент шаҳрида бўлиб ўтадиган “Давлат бошқарувини модернизациялаш ва жамиятни демократлаштиришда замонавий ахборот-коммуникация технологияларининг роли” мавзуида халқаро давра суҳбати муносабати билан мамлакатимизда меҳмон бўлиб турибди.

Учрашувда Ўзбекистон Республикасида ахборот-коммуникация технологияларининг давлат бошқаруви ва хўжалик органларида жорий қилиниши юзасидан амалга оширилаётган лойиҳалар, жаҳон миқёсида АКТнинг ривожланиш тенденциялари ва истиқболдаги ҳамкорлик юзасидан фикр алмашилди.