Франция ички ишлар вазири Бернар Казнев Лион яқинидаги кимёвий заводни портлатиб юборган террорчининг исмини ошкор қилди.
Айтилишича, 35 Ясим Солий Лион яқинидаги Сен-Пристда туғилиб ўсган.
2006 йилда у экстремистик гуруҳлар билан алоқадорликда гумон қилиниб, назорат остига олинган, аммо, гумонлар тасдиқланмагач, 2008 йили назоратдан чиқарилган.
Эслатиб ўтамиз, Лион яқинидаги Сен-Кентан-Фалавье шаҳридаги заводга номаълум шахс ҳужум уюштириб, бензин бакларини портлатиб юборди. Воқеа жойида танадан жудо қилинган бош топилган. Бош арабча хатлар туширилган матога ўралган эди.
Олланд ЕИнинг Брюсселдаги саммитини тарк этиб, Францияга етиб келди ва воқеа юзасидан фавқулодда баёнот берди.