Ўзбекистон Президенти Ислом Каримов 27 июнь – Матбуот ва оммавий ахборот воситалари ходимлари куни муносабати билан ушбу соҳа вакилларига йўллаган байрам
мурожаатида соҳа вакилларини касб байрамлари билан самимий муборакбод этиб, сиҳат-саломатлик, бахт ва омад, ижодий камолот тилаб қолди.

Ислом Каримов ўз мурожаатларида бу соҳада амалга оширилаётган кенг кўламли ишлар ва рақамларга батафсил тўхталиб ўтди.

Ўзбекистонда охирги 7 йил ичида ОАВларни қўллаб-қувватлаш учун давлат бюджетидан кредитлар, ижтимоий буюртмалар ва давлат грантлари кўринишида 13 млрд сўм йўналтирилди.

Шунингдек, Ўзбекистонда мустақиллик йилларида ОАВлар миқдори 3,6 баробарга кўпайиб, бугунги кунда 1400 дан кўпроқни, веб-сайтлар миқдори эса охирги 5 йил ичида 2 мартага ошиб, 300 дан кўпроқни ташкил қилмоқда.

Бугунги кунда Ўзбекистонда 66 та телеканал, 34 та радиоканал фаолият юритмоқда. Бу эса электрон медиа-тармоқларнинг соҳанинг умумий структурасидаги самарадорлиги ва ҳиссасининг барқарор ўсаётганидан дарак беради.

Ўзбекистонда амалга оширилаётган кенг миқёсли ишлар туфайли Ўзбекистон аҳолисининг 54 фоиздан кўпроғи рақамли телевидение имкониятларидан фойдаланмоқда.

Ўзбекистон Миллий телерадиокомпанияси тузилмасига кирувчи телеканалларнинг умумий эфир вақти 520 соатдан кўпроқни ташкил қилмоқда, ваҳоланки яқин ўтган йилларда бу кўрсаткич бор-йўғи 24 соатни ташкил қилган.

Шунингдек, фуқаролик жамияти шакллантиришда муҳим омил бўлиб ҳисобланадиган нодавлат ОАВларнинг ҳаётимизда тутган ўрни борган сари ошиб бормоқда. Бунинг исботи сифатида шуни айтиш мумкинки, Ўзбекистонда фаолият юритаётган босма нашларнинг 60 фоизи, телерадиоканалларнинг 67 фоизи ва интернет-нашларнинг 95 фоизи нодавлат ОАВлар ҳисобланади.

Кейинги пайтда бир қатор ривожланган давлатлар, дунёда ном қозонган нуфузли медиакомпаниялардан малакали мутахассис ва журналистлар Ўзбекистонга таклиф этилиб, улар иштирокида матбуот ходимлари учун ўқув семинарлари ва амалий машғулотлар ўтказиш йўлга қўйилган. Бу тажрибанинг кенг қўлланиши туфайли ўтган йилнинг ўзида 650 дан ортиқ матбуот ходимлари ўз малакаси ва маҳоратини оширишга эришди, шу билан бирга, кўплаб ўзбек журналистлари ҳам хорижий давлатларга бориб, тажриба алмашиб келишди.