Австралиялик муҳандис Марк Пивак ғишт терувчи роботлаштирилган қўл ихтиро қилди. Бу ҳақда News.com.au портали хабар бермоқда.

“Адриан” номини олган бу робот бир соатда мингта ғишт тера олади. У йилига 150та уйнинг ғиштини териши мумкин.

“Адриан” ишни бошлаши учун қурилаётган бинонинг компьютер модели талаб этилади. Робот бу моделга кўра ўз алгоритмларига асосланиб қурилаж бинодаги ҳар бир ғиштнинг ҳолатини ҳисоблаб чиқади.

Марк Пивак ушбу роботни яратиш учун 10 йил давомида иш олиб борган. “Адриан” дастлаб Австралиянинг ғарбида сотувга чиқарилади, бироқ унинг савдога чиқарилиши санаси ҳақида ҳозирча ҳеч қандай маълумот берилмаган.