Россия президенти Владимир Путин Олтой республикасига дам олиш вақтларини ўтказиш учун жўнаб кетган. Бу ҳақда FlashSiberia хабар бермоқда.

Манбада ёзилишича, бу ерда президент "мусаффо ҳавода ҳордиқ чиқаради".

Хабарда тахмин қилинишича, Путин Олтойнинг Онгудайск туманидаги дачасига бориб жойлашган.

Бироз олдинроқ, Россиянинг сиёсий ахборотлар агентлиги вакили Владимир Торобков Путин 27 июнь куни Олтой республикасига норасмий ташриф уюштириши ҳақида маълум қилганди.

Путин бу ерда Олтой республикаси раҳбари Александр Бердников билан учрашгани айтилган.