Ўзбек Миллий академик драма театрида ёзувчи Қўчқор Норқобилнинг “Заминдан олис кетма” асари асосидаги спектаклга бағишланган матбуот анжумани бўлиб ўтди.

Ўзбекистон Республикаси Маданият ва спорт ишлари вазирлиги томонидан “Ўзбектеатр” ижодий-ишлаб чиқариш бирлашмаси билан ҳамкорликда ташкил этилган мазкур тадбирда драматурглар, режиссёрлар, санъатшунослар, оммавий ахборот воситалари вакиллари иштирок этди.

"Асар инсоннинг табиатга бўлган меҳри, муносабати ҳақида. Табиатни қадрлаган инсон юртини, унинг бойликларини кўз қорачиғидек асраб-авайлайди. Халқимиз қадимдан кўчат экиб, боғ яратишни, ўзи яшаётган масканни обод этишни инсоний бурчи, деб билган. Бугун ана шу эзгу анъаналар давом этиб, мамлакатимизнинг шаҳару қишлоқлари, кўчаю хиёбонлари кун сайин ўзгариб, тобора чирой очиб бормоқда. Бу халқимизнинг ободликка, бунёдкорликка интилиши самарасидир. Спектакль моҳиятида ушбу ғоя мужассам", – дейди спектакль режиссёри Нодира Маҳмудова.

Тадбирда журналистларнинг саволларига ижодкорлар томонидан жавоб берилди.