Architects' Journal нашри Англияда катталиги бўйича Хитроу аэропортидан кейинги ўринда турувчи, Лондон яқинидаги Гатвик аэропортида қуриладиган терминал суратларини чоп этди.
Бу терминал лойиҳаси архитектор Терри Фаррел томонидан тайёрланган. Унинг таклифига кўра, аэропорт иккинчи учиш-қўниш йўлагига эга бўлади. Терминалда автоматик дарвозалар ўрнатилади. Шунингдек, йўловчилар юкларини мустақил равишда топширадиган ва қабул қиладиган қисмдан фойдаланишади.

Бу лойиҳага кўра, йўловчилар самолётгача етиб бориши учун сарфланадиган 30 дақиқани 7 дақиқагача камайтириш мумкин бўлади ҳамда кутишлар вақти камайиб, авиакомпания харажатлари ҳам қисқаради.

Шу йилнинг ёзида шу ва Хитроу аэропортида янги терминал қуриш бўйича яна бир бошқа лойиҳанинг тасдиқланиши кутилмоқда.