Украинанинг Львов вилояти прокуратураси ходими маст ҳолатда автомобиль бошқариб, фаоллар ва Давлат автомобиль назорати ходимларидан қочиб кетишга урингани учун ишдан бўшатилди. Бу ҳақда “Укринформ” ахборот агентлиги хабар бермоқда.

“Хизмат тергови натижаларига кўра, Львов вилояти прокурори буйруғи билан шармандали қилиғи, “Прокуратура ишчиси қасамёди” ва “Прокуратура ишчилари профессионал ахлоқи ва хатти-ҳаракати кодекси”ни бузгани учун 30 июнда А.Осташевский эгаллаб турган тергов бўлими бошлиғи ўринбосари лавозими ва прокуратура идоралари сафидан бўшатилди”, деб айтилмоқда прокуратура матбуот хизмати берган хабарда.

Ушбу воқеа 27 июнь куни содир бўлган. Маст ҳолатда автомобиль бошқараётган прокуратура ходимини жаоатчилик фаоллари пайқаб қолишган, сўнгра улардан қочиб кетмоқчи бўлган қоидабузарни тутиш учун давлат автомобиль назорати ходимлари ҳам қўшилишган.