Қозоғистон пойтахти Остонада ҳаракатланувчи 400 та автобусда бепул Wi-Fi хизмати жорий қилинди, деб айтмоқда “Астана LRT” компанияси бошқаруви раиси Талгат Ардан.

“Автобуслар Wi-Fi-модуллар ва модемлар билан жиҳозланади. Бутун жамоатчилик транспорти ушбу хизмат билан таъминланади. Ҳозирда 400 та автобусда бу хизмат жорий қилинди”, деб айтди Ардан матбуот-анжуманида ҳамда июль ойининг охирига қадар пойтахтдаги ҳамма автопарклар Wi-Fi-модуллари билан таъминланишини қўшимча қилиб ўтди.

Матбуот-анжуманда таъкидланганидек, жамоат транспортини бепул Wi-Fi хизмати билан таъминлаш лойиҳаси 2013 йилда бошланган. Шундан бери Қозоғистоннинг 8 та шаҳри – Кустанай, Кокшетау, Қарағанда, Қизилўрда, Петропавловск, Туркистон, Уральск ва Олма-отада бепул Wi-Fi хизматига эга 200 га яқин автобус ҳаракатланмоқда.