Америкалик миллиардер Дональд Трамп Univision телеканали устидан арз қилди. Reuters агентлигининг ёзишича, бунга телеканал Miss USA танловини намойиш қилишдан бош тортгани сабаб бўлган.
Даъво 500 млн долларни ташкил қилади.

25 июнь куни телеканал танловни намойиш қилишдан воз кечди, негаки Трамп мексикалик меҳнат муҳожирлари ҳақидаги сўзлари туфайли канал томонидан нон-грата деб эълон қилинган эди.

Илгарироқ Трамп NBC телеканалини, ўзаро ҳамкорлик якунлангандан сўнг, судга беришини маълум қилган эди.