Volkswagen нинг Германиядаги заводида робот назоратдан чиқиб, завод ишчисининг кўкрак қисмига ўлимга олиб келувчи жароҳатлар етказган. Бу ҳақда Hessische Niedersächsische Allgemeine нашри хабар бермоқда.

Volkswagen матбуот хизматида воқеа содир бўлган пайтда ишчи қурилма ичида бўлгани айтилмоқда. Робот ишчини металл пластинага сиқиб, унинг кўкрак қафасини эзиб қўйган. Ишчи шифохонага олиб келингандан кейин вафот этган.

Концернда маълум қилинишича, қурилма ишидаги носозликлар ташқарида бўлган бошқа ишчининг қурилмани ишга тушириб юборгани сабабли юзага келган бўлиши мумкин. Айни пайтда ушбу ҳолат юзасидан тергов ўтказилмоқда.