2 июль куни Ҳиндистоннинг Мадхья-Прадеш штатидаги йўллардан бирида автобус ва юк машинаси ўртасида тўқнашув юз берди. 25 киши ушбу йўл транспорт ҳодисаси қурбонига айланган. Бу ҳақда The New Indian Expres нашри маҳаллий полиция маълумотларига асосланиб, хабар берган.

Хабарда айтилишича, 15 киши воқеа жойида ҳалок бўлган, 10 киши шифохонага олиб борилгач, жон берган. Шунингдек, 9 киши жароҳатланган ҳолда шифохонага ётқизилган.

Штат ҳукумати ушбу фожиа қурбонларининг оила аъзоларига моддий ёрдам кўрсатилиши ҳақида маълум қилди.

Айни вақтда ЙТҲ сабаблари ўрганилмоқда.