Қозоғистон президенти Нурсултон Назарбоев маҳаллий телеканалларга берган интервьюсида Қозоғистон компаниялари сифатли ва арзон маҳсулот ишлаб чиқаришга интилишлари лозимлигини таъкидлаб ўтди.

Назарбоевнинг фикрича, Россия рублининг қадрсизланиши қозоғистонлик тадбиркорларни рақобат ҳақида ўйлашга мажбур қилди.

“Мен Евроосиё иқтисодий иттифоқи яратилишидан аввал барча тадбиркорларни рақобат бўлишидан доим огоҳлантириб ва уларга тайёр туриш кераклигини айтиб келардим. Агар биз бу ерда рақобатлаша олмасак, эртага Жаҳон савдо ташкилотига кирганимизда унда нима бўлади? Россия рубли сал қардсизланиши билан харидорлар у ерга боришни бошлашди ва нима бўлганини тезда фаҳмлашди. Одамлар у ерда арзон маҳсулотлар сотиб олишади, бу халқим учун яхши бўлади, нима учун мен бунга қаршилик кўрсатишим керак?”, деб айтди Назарбоев.

Қозоғистон президенти Қозоғистон компаниялари сифатли ва арзон маҳсулот ишлаб чиқаришга интилишлари лозимлигини таъкидлаб ўтди.

“Шунда “Қозоғистонда ишлаб чиқарилган” брендининг нуфузи ошади. Шунинг учун рақобат – бу компаниянинг ўз маҳсулотини сифатли ва нархини арзон қилиш устида доимий иш олиб боришидан иборат. Бунинг учун дунёда мавжуд инновация, фан керак бўлади”, деб қўшимча қилиб ўтди Назарбоев.