1 июль куни Алишер Навоий номидаги Ўзбекистон Миллий кутубхонасида “Ўзбекнаво” эстрада бирлашмаси томонидан ўтказилган “Жаҳолатга қарши маърифат” ғояси остидаги маънавият соати ўтказилди.

Маданият ва спорт ишлари вазирлиги, Республика маънавият тарғибот маркази ва Ўзбекистон журналистлари ижодий уюшмаси ҳамкорлигида ташкил этилган маънавият соатида тизим раҳбарияти ва таниқли сиёсатшунослар эстрада хонандаларига Марказий Осиё ва жаҳоннинг бошқа минтақаларидаги ижтимоий-сиёсий вазият, вайронкор ғоялар билан яшаётган ғаразли кучлар, юртимизда амалга оширилаётган барча бунёдкорликлар, тўй-тантаналар асоси тинчлик-хотиржамлик эканлиги ҳақида атрофлича маълумотлар бериб ўтишди.

“Бу каби маънавият саотларидаги билимлар, аввало, ўзимиз учун, қолаверса жойлардаги концерт дастурлари, учрашувлар ва бошқа тадбирлардаги суҳбатларда бизга ғоят зарурдир”, - дейди Ўзбекистон Республикасида хизмат кўрсатган артист Самандар Ҳамроқулов санъаткорлар номидан тадбир ташкилотчиларига миннатдорлик билдира туриб.

Билдирилган таклифлардан келиб чиқиб малакали мутахассислар иштирокида ҳар ойда бир марта санъаткорлар учун маънавият соатлари ташкил этилишига келишиб олинди.