Тайвань авиация хавфсизлиги кенгаши 2015 йилнинг февралида ATR-72-600 самолётининг фалокатга учраши бўйича ҳисоботни тақдим этди. Ташкилотнинг сайтида парвознинг таймлайни чоп этилди. Аниқланишича, учувчининг самолёт фалокатга учрашидан аввал айтган охирги сўзлари “Вой, мен бошқа двигателни ўчириб қўйибман” деган сўзлари бўлган.
Самолёт 2015 йилнинг 4 февралида фалокатга учраган. Самолёт бортида 58 киши бўлган. Лайнер ҳавога кўтарилганда унинг ўнг двигатели ишламай қолган. “Қора қутида” қайд қилинган ёзувдан учувчи ишламаётган двигателни ўчириш ўрнига соз ишлаётган чап двигателни ўчириб қўйган.

Шу билан бирга учувчи охирги лаҳзагача бошқа двигателни ўчириб қўйганини тушунмаган. Учувчи секин-аста пастлаш ўрнига ишламайдиган двигатель билан қилиш ман қилинган ишни амалга оширган, яъни самолётнинг бурнини тепага кўтарган. Самолёт қулаши оқибатида 33 киши, жумладан 2 нафар учувчи ҳалок бўлган.