Тошкентда гиёҳванд моддалар савдоси билан шуғулланувчи гуруҳ қўлга олинди. Бу ҳақда “Огоҳ” газетаси хабар бермоқда.
Айтилишича, Бекобод шаҳрида истиқомат қилувчи Абдуллоҳ исмли шахс тошкентлик таниши Икром Соиповдан гиёҳванд моддаларни сотиб беришни сўраган. У моддаларнинг бир қисмини таниши Зуҳриддин Камоловга 275 минг сўмга сотган. Ўз навбатида, Камолов наркотикни маҳалладоши, 1961 йили туғилган Аброр Расуловга 300 минг сўмга сотган.
Аммо Расулов улардан сотиб олган моддани уйга олиб кетаётганида ҳуқуқ-тартибот ходимлари томонидан қўлга олинган. Уни тергов қилиш орқасидан Зуҳриддин Камолов, Икром Соипов ва бошқа шерикларнинг қилмишлари фош этилган.