2014 йили Сирдарё иссиқлик электр станцияси 15.6 млрд сўм миқдорида соф даромад олди. Бу ҳақда компания хабарномасидан маълум бўлди.
Станция Ўзбекистон электр энергиясининг учдан бир қисмини ишлаб чиқаради.
Компания акциядорлари – “Ўзбекэнерго” давлат акциядорлик жамияти ва Давлат рақобат қўмитаси корхонани ривожлантиришга 12.6 млрд сўм йўналтирган эди.
Оддий акциялар бўйича дивидентлар тўлашга 1.6 млрд сўм йўналтирилди, улардан 90 фоизи паст вольтли электр тармоқларини модернизация қилишга сарфланди.
Паст вольтли электр тармоқларини модернизация қилиш ва янгилаш дастури Ўзбекистонда 2011 йилдан буён амалга оширилмоқда. Лойиҳа қиймати – 124.9 млрд сўм.