АҚШнинг Вашингтон, Виржиния ва Мэриленд штатлари ҳудуди бўйлаб ўтказилаётган Бутун дунё ўт очирувчилари ва полициячилари велопойгаси турнири вақтида фожиа юз берди.

Маҳаллий полициянинг маълумотига кўра, бразилиялик иштирокчи велосипедлар ўртасидаги тўқнашув туфайли ҳалок бўлган, яна икки нафар велосипедчи оғир тан жароҳатлари олишган.

48 ёшли бразилиялик Карлос Силва пойга трассасида велосипедидан йиқилиб, бошқа велосипедлар остида қолиши оқибатида ўлимга олиб келувчи жароҳатлар олган.

Бу турнир 26 июнь куни бошланган, 5 июлгача давом этади. Турнирга дунёнинг 70 мамлакатидан 12 мингга яқин иштирокчи келган.

Полициячилар ва ўт ўчирувчилар ўртасидаги бундай турнир 30 йилдан буён ҳар икки йилда бир марта ўтказилади. 2 йил олдин бу мусобақа Шимолий Ирландиянинг Белфаст шаҳрида бўлиб ўтган, 2 йилдан кейингиси эса Канаданинг Монреал шаҳрида ўтказилиши режалаштирилган.