30 июнь куни БААнинг Шаржа шаҳрида Sharjah Biltz international chess championship 2015 блиц-турнири ўтказилди. Унда турли мамлакатлардан ташриф буюрган 107 нафар шахматчи иштирок этди.

Ўзбекистонлик 9 ёшли шахматчи Жавоҳир Синдаров финалда кетма-кет 3 та ғалабага эришди ва 9 имкониятдан 7 очко тўплаб, еттинчи ўринни эгаллади.

Турнирда озарбойжонлик гроссмейстер Г. Гусейнов ғалаба қозонди, иккинчи поғонага БАА вакили гроссмейстер А.Р.С. Салим, 3-ўринга эса яна бир озарбойжонлик У. Бажарини жойлашди. 4—9-поғоналарни 7 очко тўплаган гроссмейстер ва халқаро спорт устаси бўлган спортчилар бўлишиб олишди. Спорт усталигига номзод ҳисобланган Жавоҳир Синдаров 7-ўринда қайд қилинди.

Маълумот учун, Жавоҳир Синдаров турнирни 25 ўринда бошлаган эди.
 
Ўзбекистонлик бошқа шахматчилар Шамсиддин Воҳидов 5,5, Шаҳноза Собирова 5 ва Ҳумоюн Синдаров 4,5 очко тўплади.