Қирғизистон пойтахтида янги хонадонлар нархи талабнинг пасайиши туфайли 10-15 фоизга тушиб кетди. Бу ҳақда қурилиш компанияларидан бирининг раҳбари Дониёр Имоналиевнинг сўзларига таянган ҳолда Қирғизистон телеграф агентлиги хабар бермоқда.
Мутахассиснинг сўзларига қараганда, мижозларнинг кўпчилиги шаҳарнинг марказида ёки жанубий миттитуманларда жойлашган 50-75 кв м майдонга эга хонадонларни сотиб олишни истайди. Бишкекнинг бошқа ҳудудларида талаб айтарли юқори эмас.
Маълумот учун, Бишкекдаги хонадонлар нархи 20-30 минг доллардан бошланиб, 200 минг долларгача боради.