Буюк Британиянинг энг йирик уяли алоқа оператори ЕЕ мижозлар шикоятини қабул қилиш қоидаларини бузгани учун Ofcom регулятори томонидан 1 млн фунт стерлингга жарима тортилди.

Мамлакат регуляторининг фикрича, компания 2011-2014 йиллар давомида ўз мижозларига мустақил ташкилотга шикоят қилиш ҳуқуқлари ҳақида тўлиқ маълумот бермаган. Компания ўз мижозларини бу ҳақда ёзма равишда хабардор қилиши керак бўлган.

EE’га ушбу даъволар мувофиқлаштирувчи ташкилот томонидан телекоммуникацион компанияларнинг фаолияти борасидаги шикоятларни кўриб чиқиш доирасида билдирилган.

Компания яқин 20 кун ичида жаримани тўлаши керак. Ушбу пуллар Буюк Британия ғазначилиги ҳисобига ўтказилади.