Қорақалпоғистоннинг Элликқалъа тумани Қизилқув овул фуқаролари йиғини ҳудудида истиқомат қилувчи Шомурот Ҳожиев ҳамда Рита Сержанбаева хонадонида шу йилнинг 10 март кунида туғилган уч нафар эгизак зиёрат қилинди. Бу ҳақда “Оила даврасида” газетаси ёзмоқда.

Ота-она уч ўғилга Исломбек, Каримжон, Абдуғани исмларини қўйишганди. 

“Фарзандларим дунёга келиб, оналик бахти насиб этган куни мендан бахтли аёл йўқ эди, – деди Рита Сержанбаева мухбир билан суҳбат чоғида. – Эгизакларнинг ҳар учаласи ҳам ўғил эканини айтган доя аёлнинг сўзларига аввалига ишонмаганман. Фақатгина фарзандларимизни эмизиш учун олиб келишгандан сўнг бу гаплар чинлигига ишондим. Ҳозир болаларим соғлом ва бақувват бўлиб ўсаяпти”.