Франция ҳукумати WikiLeaks портали асосчиси Жулиан Ассанжга сиёсий бошпана беришни исташмади. Бу ҳақда Елисей саройи коммюникесига таянган ҳолда Reuters агентлиги хабар бермоқда.
“Франция Ассанждан мактуб олди. Чуқур таҳлил шуни кўрсатдики, Ассанж вазиятининг бир қатор юридик ва моддий жиҳатлари туфайли Франция унинг илтимосини қондира олмайди”, – дейилади хабарномада.
Шунингдек, коммюнике муаллифлари Ассанжнинг ҳаётига бевосита таҳдид йўқлигини ва айни пайтда унинг қамоққа олиниши учун умумевропа миқёсидаги рухсатнома берилганлигини эслатиб ўтишди.
Ассанж сиёсий бошпана бериш илтимоси билан бевосита президент Франсуа Олландга мурожаат этган эди. Унинг очиқ хати 3 июль куни Le Monde газетасида чоп этилди. Шунингдек, бугун Франциянинг бир гуруҳ маданият арбоблари Ассанж ҳамда Сноуденга сиёсий бошпана беришни илтимос қилиб президент номига очиқ хат йўллаган