Жанубий Корея ҳукумати MERS коронавируси эпидемиясининг иқтисодиётга келтирган салбий таъсири оқибатларини бартараф қилишга 11.8 трлн вона (10.5 млрд доллар) ажратади. Бу борадаги ҳаракат дастури вазирлар маҳкамасининг шу ҳафта жума куни бўлиб ўтган йиғилишида қабул қилинди. Режа 20 июлга қадар тасдиқланиши кутилмоқда.
“Қўшимча маблағ иқтисодиётни жонлантиришга ёрдам беради, ички талабни оширишга ва оддий фуқаролар ҳаётини барқарорлаштиришга қаратилади. Уларнинг бари эпидемиянинг оқибатларида ҳис қилишди”, – шарҳлади ушбу қарорни молия вазири ўринбосари Пун Мун Гю.
Кўрсатилган маблағнинг 5.6 трлн вонаси солиқ тўловларининг камайишидан келган зарарни қоплашга, 6.2 трлн вона эса фуқаролар ва бизнесга бевосита ёрдам беришга қаратилади.
Молия вазирлиги таҳлилчиларининг ҳисоб-китобларига қараганда, ушбу чора-тадбирлар жорий йилда ялпи ички маҳсулот ўсишини 0.3 фоизга, кейинги йили эса 0.4 фоизга кўтаришга хизмат қилади. 2015 йилда ЯИМ 3.1, 2016 йили 3.6 фоизни ташкил қилиш кутилмоқда.