Марокаш давлатида африкалик уламоларнинг экстремизмга қарши кураш олиб боришдаги иштирокини таъминлаш мақсадида “Муҳаммад VI” муассасасини ташкил этиш маълум қилинди.

Мазкур муассасани ташкил этишдан кўзланган асосий мақсад Марокаш ва бошқа Африка давлатларидаги уламоларнинг исломнинг бағрикенглик ғояларини мустаҳкамлаш борасидаги ҳаракатларини мувофиқлаштириш ва бирлаштиришдир. Шунингдек, Африкада маънавий, диний қадриятларни сақлаб қолиш ҳамда Ислом динининг бирдамлигини муҳофаза этиш, адашган оқимлар ва экстремистик ғояларга қарши курашиш, Африка халқларининг маънавий бирлиги ва ислом ақидасини ҳимоя этишга тарғиб қилувчи ишларни фаоллаштиришдан иборат.

Марокаш давлати Қироллик фармонига мувофиқ, муассаса раҳбарияти ва ходимларини Марокаш ва бошқа Африка давлатларидан етишиб чиққан билимли, обрў ва тажрибага эга бўлган шахслар ташкил этади. 

Muslim.uz / Халқаро алоқалар бўлими ходими Илёс Аҳмедов тайёрлади.