Ўзбекистонда GPS технологиялардан фойдаланган ҳолда ахборот-коммуникация хизматларини тақдим қилиш бозори кенгайиб бормоқда.

Ўзбекистон Республикаси қонунчилиги ҳужжатлари таъсирини баҳолаш тизими порталида Вазирлар Маҳкамасининг “GPS технологиялардан фойдаланган ҳолда Ўзбекистон Республикаси ҳудуди бўйлаб автотранспорт воситаларида транзит билан олиб кетилаётган юкларни кузатишни амалга оширишни ташкил этиш чора-тадбирлари тўғрисида”ги қарори лойиҳаси чоп этилди.

Ушбу ҳужжатга кўра, ҳаракатланувчи объектларни GPS тизимини қўллаган ҳолда мониторинг қилиш хизматларини кўрсатувчи юридик шахсларга Ўзбекистон Республикаси ҳудуди бўйлаб автотранспорт воситаларида транзит билан олиб кетилаётган юкларни кузатиш тизимини татбиқ қилишни амалга ошириш ҳуқуқи берилади.

Қарор лойиҳасида Давлат божхона қўмитасида Ўзбекистон Республикаси ҳудуди бўйлаб транзит билан ҳаракатланаётган автотранспорт воситаларининг ҳаракатланишини назорат ва мониторинг қилишни амалга оширувчи диспетчерлик маркази ташкил этиш ҳам кўзда тутилган.