XI Қозон мусулмон киноси халқаро фестивали ҳакамлар ҳайъати 52 давлатдан 700та фильмни баҳолашлари керак бўлади.

Фестивалда иштирок этиш учун аризалар қабул қилиниши 1 июлда ўз ниҳоясига етди, деб маълум қилди фестиваль дастури директори Альбина Нафигова.

“Фестиваль ижроий қўмитаси томонидан 52 давлатдан 700дан кўпроқ фильм рўйхатга олинди. Бу ўтган йилдаги кўрсаткичдан тахминан 200тага кўпроқни ташкил қилмоқда”, деб айтмоқда Нафигова.

Нафигова аризалар деярли бутун кинематография дунёсини қамраб олганини қўшимча қилиб ўтди: аризалар 14та Европа давлатидан, АҚШдан, Осиёнинг 18та давлатидан ва 5та Африка давлатидан келган. Қолган аризалар Россия МДҲ давлатларидан жўнатилган.

XI Мусулмон киноси халқаро фестивали Татаристон пойтахти – Қозонда 5-11 сентябрь кунлари бўлиб ўтади, танлов дастуридан 50та фильм жой олади.

Қозон кинофестивали 2005 йилдан бери ўтказилиб келинади. Турли йилларда кинофестивалнинг халқаро ҳакамлар ҳайъатини Владимир Хотиненко, Карен Шахназаров ва Вадим Абдрашитов каби режиссёрлар бошқарган. Фестивалга Катрин Денёв, Эдриан Броуди, Орнелла Мути, Никита Михалков, Элдар Рязанов ва Евгений Миронов каби кино соҳаси намояндалари фахрий меҳмон сифатида ташриф буюришган.