Россия Давлат Думаси ўзига хос қонун лойиҳасини учинчи ўқишда қабул қилди. Интернетда ушбу ҳужжат “унутилиш ҳуқуқи” номини олди. Интерфакс агентлигининг маълум қилишича, у қидирув тизимларини қидирув натижаларидан фуқаро ҳақидаги маълумотни шу фуқаронинг талабига кўра олиб ташлашга чорлайди.
Лойиҳага кўра, фойдаланувчи ўзи ҳақидаги маълумотларни қидирув натижаларидан олиб ташлашни талаб қилиши мумкин. Жиноят белгиларига эга бўлган маълумотлар бундан мустасно.
Қонун Россия ҳудудига реклама тарқатувчи интернет қидирув тизимларига нисбатан ҳам қўлланилади. У 2016 йилнинг 1 январидан кучга киради.