Сирдарёда ўғрилик туҳматига қолган эркак қўшнисини пичоқлаб қўйди

Ўзбекистон 03 Июль 2015 2002

Сирдарёлик Эркин Вализода йигирма ёшига қадар уч марта судланган ва синов муддатида бўлгани учун қўни-қўшнилари унга шубҳа билан қарай бошлади. Бу охир-оқибат жиноят содир этилишига олиб келди. Воқеа тафсилотлари “Даракчи” газетасида баён қилинди.
Вализоданинг қўшниси, банкда масъул ходим бўлиб ишлаб келган Раҳимжон Самадовнинг уйидан пул йўқолганида у қўшнисини гумон қила бошлади. Бу гап маҳаллага тарқаб кетди. Вализоданинг уятдан бош кўтара олмай қўйган рафиқаси Гулноза уйни ташлаб кетди.
Бундан омадсизликлардан жаҳли чиққан Вализода қўлига пичоқ олиб, қўшнисининг уйига йўл олди. У Раҳимжонни калтаклаб, елкасига пичоқ санчди. Қўни-қўшнилар ёрдамга келиб, Эркинни тўхтатиб қолишди.
Воқеа жойига етиб келган ИИБ ходимлари жиноятчининг ёнидан 1.9 гр марихуана ҳам топишди.
Натижада Эркин Вализода яна бир бор суд қилиниб, 11 йилга озодликдан маҳрум қилиш жазосига ҳукм қилинди.

Кўпроқ янгиликлар