Англиянинг Труро шаҳрида Эмили Титтерингтон исмли 16 ёшли қиз ҳожатхоналардан қўрқиши оқибатида юрак хуружидан вафот этди. Бу ҳақда Independent нашри хабар бермоқда.

Қиз 8 ҳафта давомида ҳожатхонага улардан кўрқиши туфайли бормаган ва бунинг оқибатида қизнинг организмидаги тана аъзолари ўз ўрнидан силжиган ва юрак хуружига олиб келган.

Патологоанатом мутахассис Аманда Жеффрининг айтишича, қизда кичик ёшдаги болаларга характерли бўлган “қабзиятни ушлаб туриш” ҳолати кузатилган. Қизнинг танаси очиб текширилганда, бу иллат оқибатида қизда йўғон ичакнинг катта миқёсда кенгайиши ривожланганлиги аниқланган.

Қиз ҳаётлигида уни текширган шифокорлар қизда бу қўрқувга нима сабаб бўлганини аниқлай олишмаган. Тергов қизга тегишлича тиббий ёрдам кўрсатилганда унинг ҳаётини сақлаб қолиш мумкин бўлганини кўрсатди, бироқ қизнинг онаси айтишича, қиз шифокорлар томонидан исталган ёрдамни қатъиян рад этган.