Кубанинг собиқ етакчиси Фидель Кастро маҳаллий пишлоқ тайёрловчилар ёнига 4 соатлик ташриф уюштирди. Бу ҳақда бир қатор ОАВлар маълум қилмоқда.

ОАВлар маълумотларига кўра, шу тариқа Фидель Кастро уч ойдан бери илк бор омма олдида кўриниш берди.

Қайд этилишича, Кастро ўзининг сайри давомида мамлакат озиқ-овқат саноати вазирлигининг тадқиқот институтига ташриф буюрган.

Кастронинг омма олдидаги кўринишлари орасидаги аввалги танаффуси 14 ойни ташкил қилган эди.