Москва давлат университети талабаси Варвара Караулованинг отаси Павел Караулов ўз қизининг ИШИД сафига қўшилмоқчи бўлганининг сабабларини келтириб ўтди, деб хабар бермоқда РИА “Новости” ахборот агентлиги.

Карауловнинг айтишича, унинг қизи виртуал суҳбат ортида шундай қилишига сабаб пайдо бўлган.

“Бунга авваламбор севги сабаб бўлган. Яна бошқа бир қатор сабаблар бўлган, бироқ улар орасида бу сабаб ҳам бор”, деб айтмоқда қизнинг отаси.

Караулов қизи яна қочиб кетишидан хавотирланмаётганини ҳамда Варвара ўқишни давом эттирмоқчи эканлигини, бироқ қайси таълим муассасасида – МДУдами ёки бошқа ердами, ҳали ҳал қилмаганини маълум қилди.

Аввалроқ Варвара Караулова МДУда академик таътил расмийлаштиргани маълум қилинганди. Қиз ИШИД сафига қўшилмоқчи бўлган, бироқ у ерга кетаётганда Туркияда қўлга олинган. Москва махсус хизматлари ходимлари Карауловани ёллаган эркакнинг шахсини аниқлашган. Тергов маълумотларига кўра, уч йил давом этган интернетдаги мулоқотдан кейин эркак уни Сурияга чақирган ҳамда уйланишга ваъда берган.