Шимолий Корея раҳбари Ким Чен Ин Пхеньяндаги янги қурилган аэропорт бош архитекторини топшириқни бажармагани учун ўлимга ҳукм этган.

"Ким Чен Ин янги аэропорт архитекторини унинг иши ўзига ёқмагани учун қатлга буюрди", дейилади Metro нашри хабарида.

Шимол корейслари диктатори аэропортнинг очилиши маросими чоғида журналистларга юзида кулгу билан архитекторни масъулиятсизлиги учун ўлимга буюргани ҳақида айтиб берган.

Янги аэропорт биноси очилишига бир ҳафта қолганда Ким Чен Ин бир қатор дизайнерлик ишланмаларини бажаришни буюрган. Унга кўра, бош зал ўртасига шоколадли фонтан ўрнатиш керак бўлган.

2015 йилнинг 25 июнь кунида мамлакат пойтахтида очилган янги аэропорт архитектори ва бош дизайнери ҳисобланган Ма Вон Чун ушбу вазиятда топшириқни ижросини таъминламагани учун ўлимга ҳукм этилган.

Расмий тарқатилган хабарларга кўра, Ма Вон Чун “коррупция ва топшириқларни бажаришга тайёр эмаслиги” учун қатл этилган.

Ким Чен Иннинг баёнотида камчиликлар иккинчи терминал қурилишида кўзга ташлангани, дизайнерлар партиянинг қурилишга оид ғоясини ҳисобга олмагани айтилмоқда.

2014 йилда Ким Чен Ин мамлакат имижини яхшилаш мақсадида бу аэропорт қурилишига кўрсатма берганди. Аэропорт 2015 йилнинг 1 июль кунидан бошлаб йўловчилар учун хизмат қилиши айтилган.