Ўзбек чегарачилари тожикистонлик чегара бузувчиларга қонуний асосда ўқ узгани маълум қилинди

Ўзбекистон 04 Июль 2015 11337
Ўзбекистон МХХ Давлат чегарасини қўриқлаш қўмитаси Тожикистон билан чегарада ўқ узилишида инсон ҳуқуқларига риоя қилинмагани ҳақидаги фикрларга нисбатан расмий муносабат билдирди. Бу ҳақда 12news.uz хабар берди.
 
"Ўзбекистон МХХ Давлат чегарасини қўриқлаш қўмитаси матбуот хизмати маълум қиладики, баъзи интернет сайтларида ёзилганидек 25 июнь куни Ўзбекистон ва Тожикистон чегарасида тожикистонлик чегара бузувчиларнинг қўлга олинишида инсон ҳуқуқларига зид равишда ҳаракат қилинмаган. Улар қўшни давлат ҳудудига мол боқиш учун ўтишга ҳақли бўлишмаган", дейилади хабарда.
 
Матбуот хизмати хабарида таъкидланишича, ўша вазиятда чегара бузувчилар қорамол боқиб юриб, қўшни давлат ҳудудига ўтишган, чегарачилар эса Ўзбекистон Республикаси қонунчилиги асосида иш тутишган.
 
Эслатиб ўтамиз, 25 июнь куни Ўзбекистон чегарачилари икки нафар Тожикистон фуқаросини қўлга олганди. Воқеа Фарғона вилояти, Бешариқ тумани, Андархон қишлоғида содир бўлган.

МХХ Давлат чегарасини ҳимоя қилиш қўмитаси матбуот хизматида маълум қилинишича, қўлга олиш жараёнида тожикистонликлар чегара нарядига қаршилик кўрсатган.

“Хавфсизликни таъминлаш ҳамда ҳуқуқбузарларни қўлга олиш мақсадида ҳавога огоҳлантирувчи ўқ отилди. Натижада Тожикистоннинг Сўғд вилояти Конибодом тумани Яккатерак қишлоқ фуқаролар йиғинида истиқомат қилувчи, 1985 йили туғилган Т. Усмонов сонидан жароҳат олди”, – дейилади хабарномада.

Усмонов Бешариқ марказий туман шифохонасига ўрта оғир аҳволда ётқизилган. Иккинчи ҳуқуқбузар – ўша туманнинг Патар қишлоғида 1991 йили туғилган Х. Қобилов эса қамоққа олинган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27925 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14835 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55934 Жамият
Пекин Вашингтонни Хитой компанияларга қарши санкцияларни бекор қилишга чақирди
00:40 359 Жаҳон
Reuters: АҚШ Мисрга ҳарбий ёрдам бермайдиган бўлди
00:34 384 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1723 Жамият
Германияда Трамп боши шаклидаги гиёҳванд моддали таблеткалар аниқланди
00:21 416 Жаҳон
Сербия Ҳиндистон ва Эрон фуқаролари учун визани бекор қилди
00:18 462 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 631 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 922 Спорт
Кўпроқ янгиликлар