Ўзбекистон ҳукумати аксилкоррупция бўйича статистик рақамларни эълон қилди.

12news.uz нашри маълумотларига кўра, 2014 йилнинг январидан сентябригача бўлган муддатда республикада ҳуқуқни муҳофаза қилиш органларида хизмат қилган 451 нафар ходим тамагирлик, мансабни суиистеъмол қилганлик, порахўрлик, ҳуқуқий ваколатлари чегарасидан ўтганлик ҳамда иш вақтидаги сархушлик каби жиноятлари учун судланган.

Маълум қилинишича, улардан 12 нафари суд аъзоси, 30 нафари Бош прокуратура ходимлари, 285 нафари ИИВ вакиллари, 28 нафари Адлия вазирлигида, бир нафари МХХда, 49 нафари солиқ хизматида, 38 нафари божхона хизматида ва яна 5 нафари адвокатурада ишлаган хизматчилар ҳисобланади.

Улардан 51 нафарига жарима жазоси қўлланган. 328 нафари турли муддатларга қамалган, 67 нафари жазони меҳнат қилиш орқали ўташга ҳукм қилинган ва 5 нафари ишдан бўшатилиш билан жазоланган.