Голливуд актрисаси Анжелина Жоли Чор Россияси императрицаси Екатерина Иккинчининг шахсий ҳаёти тасвирланадиган фильмда бош ролни ижро этади. Бу ҳақда Daily Mail нашри ёзади.

Нашрда айтилишича, фильмда асосан Екатерина Иккинчининг шахсий ҳаётидаги машмашалар тасвирланади.
Ушбу фильм Саймон Себаг-Монтефиоренинг "Потемкин: Князлар князи" номли асари асосида суратга олинади.

"Анжелина Жоли менинг асарим қаҳрамонини ижро этишни танлагани учун жуда хурсандман. Бу менинг илк китобим ва унда машаққатли севги тарихи баён этилган", дейди асар муаллифи.

Қайд этилишича, актриса бу образни жонлантиришни 9 йилдан бери режалаштириб келарди.
Маълумот учун, бу қаҳрамон бундан олдин Марлен Дитрих, Бетт Дейвис, Таллула Бэнкхед, Катрин Денев ва Кетрин Зэта-Жонс каби актрисалар талқинида тақдим этилганди.